MARUXA E PEPIÑO REPORTEIROS POR CULLEREDO

OS HABITANTES DE ILLA FANTASÍA BUSCAN UN SITIO NO NOSO CONCELLO ONDE PASAR UNS DÍAS... PUXÉMONOS A PENSAR NAS AULAS E COA AXUDA DE MARUXA E PEPIÑO BUSCAMOS OS SITIOS MÁIS APROPIADOS.

MIRADE!!

MALA UVA NA PRENSA (CULLEREDO)

PINCHA NA FOTO PARA LER A NOTICIA

2ª VISITA DE MALAUVA AO CRA: MISIÓN CALMA CHICHA

FAI UNS DÍAS RECIBIMOS UNHA CARTA DE CALMA CHICHA DÁNDONOS AS GRAZAS POR REUNIR COUSAS BRILLANTES NO NADAL PARA AS NOVAS COLAS DAS SEREAS; CANDO ESTABAN FEITAS UNHA TORMENTA REPARTIUNAS POR TODAS PARTES E PEDÍRONNOS VARIAS COUSAS:

• BUSCAR AS COLAS DAS SEREAS
• SACARLLE UNHA FOTO E MANDARLLA AO RESTO DE ALUMNADO DO CRA
• SINALAR CON PEDRAS PRECIOSAS A SITUACIÓN DAS COLAS PARA QUE DENDE ILLA FANTASÍA AS VIÑERAN BUSCAR. 

TODO ISTO O CONSEGUIMOS FACER NUNS POUCOS DÍAS COA ESPECIAL AXUDA DE MALAUVA, A NOSA BRUXA FAVORITA!!

1ª VISITA DE MALAUVA AO CRA DE CULLEREDO

NO CRA TIVEMOS UNHA VISITA MOI ESPECIAL: A BRUXA MALAUVA!! UN RAIO ROMPEU A SÚA VASOIRA, PERO O SEU PARACAIDAS VALEUNOS PARA XOGAR E ATOPAR LETRA E SÍLABAS MOI IMPORTANTES PARA FORMAR PALABRAS DE PAZ. RECORDARÉMOLO SEMPRE!! VOLVE PRONTO!!

APARECEU PEPA!

SIIIIIIIII, XA A TEMOS CON NÓS! APARECEU PEPA NA PEPATECA.

AS BRUXAS DE ILLA FANTASÍA DEVOLVERON A PEPA, DESPOIS DE QUE O NOSO ALUMNADO FIXERA TODOS OS TRABALLOS QUE NOS MANDARON.

UNICORNIOS DOURADOS NO NADAL

XA ESTÁN AQUÍ AS FOTOGRAFÍAS DO NOSO ALUMNADO CAPTURANDO AS ESTELAS DOS UNICORNIOS DE ILLA FANTASÍA!!

ERAN 10 UNICORNIOS REPARTIDOS POLO NOSO CONCELLO E MOITOS DE VÓS ATOPÁCHEDES MÁIS DUN.

PARABÉNS POLO TRABALLO, FAMILIAS!

ILLA FANTASÍA: GUARDIANA

GUARDIANA, DAMA PROTECTORA DA LUZ E DOS UNICORNIOS E MADRIÑA DAS SEREAS, PÚXOSE EN CONTACTO CON NÓS NA 4º CARTA PARA SOLICITARNOS DÚAS MISIÓNS:

• QUE O DÍA 25 DE NOVEMBRO, DÍA INTERNACIONAL CONTRA A VIOLENCIA DE XÉNERO, FIXERAMOS UNS FAROIS PARA ALUMEAR E ACABAR COA TRISTEZA E A DOR.
• REUNIR NUNHA CAIXA COUSAS BRILANTES PARA RENOVAR AS COLAS DAS SEREAS DE ILLA FANTASÍA.

QUE NINGUÉN APAGUE A VOSA LUZ!!

ILLA FANTASÍA: UNHA DE PIRATAS

NESTA OCASIÓN O MOUCHO BETO CONTOUNOS O QUE LLES PASOU AOS DEZ PIRATAS DE ILLA FANTASÍA.

PARA VENCER O MEDO PEDIUNOS QUE NOS PUXERAMOS UN NOME PIRATA:

CON DÚAS PALABRAS E UN POUCO DE IMAXINACIÓN

O TEU NOME ASUSTARÁ UN MONTÓN!!

ILLA FANTASÍA: A CARTA DE MALAUVA

ESTA SEMANA RECIBIMOS UNHA SEGUNDA CARTA DESDE "ILLA FANTASÍA": A CARTA DA BRUXA MALAUVA.

ESTABA MOI PREOCUPADA PORQUE AS SÚAS NETAS AS BRUXAS ANALFABETA, TACHATODO E FORTUNATA ESCONDERON A NOSA MASCOTA PEPA E LEVARON A PALABRA UNICORNIO DO CARTEL DA ESCOLA DE ILLA FANTASÍA.

TEMOS UNHA MISIÓN PARA RECUPERAR A PEPA: ATOPAR AS LETRAS QUE FORMAN A PALABRA UNICORNIO POLAS NOSAS ESCOLAS.

ILLA FANTASÍA: A ESCOLA DO UNICORNIO

"ILLA FANTASÍA: A ESCOLA DO UNICORNIO" É UN PROXECTO INTERCENTROS DE ANIMACIÓN Á LECTOESCRITURA, CO OBXECTIVO FUNDAMENTAL DE MELLORAR A COMPETENCIA NA COMUNICACIÓN LINGÜÍSTICA DO ALUMNADO A TRAVÉS DO FOMENTO DA IMAXINACIÓN, A FANTASÍA E O PENSAMENTO CRÍTICO.

O MARTES 25 DE OUTUBRO CHEGARON ÁS AULAS UNHAS CARTAS DO MAGO ALFA, AVISÁNDONOS DE QUE TIVERAMOS COIDADO COAS BRUXAS ANALFABETA, TACHA TODO E FORTUNATA QUE NOS QUEREN ROUBAR Á AVIONETA PEPA E LEVALA AO PICO DAS BRUXAS.

MALVADAS!!! NON PODEREDES CON NÓS!!!